Sa kabila ng mga naririnig na bulong-bulongan tungkol sa hirap na pinagdaanan ng mga estudyante sa kolehiyo, may mga kwento rin kung paano napagtagumpayan ng maayos at 'with flying colors.'
Ang kanilang sikreto ay hindi ekskusibo. Ang ibay ay madalas na ting marinig o mabasa. Alam mo kung ano ang kulang? Tamang disiplina.
Ang pagpasok sa kolehiyo ay hindi lamang pagtungtong sa mas mataas na antas ng edukasyon, ito ay mahalagang bahagi ng buhay na nagdadala ng mga bagong karanasan na maaaring magdulot ng saya, lungkot, at mahahalagang aral sa buhay.
Gayunpaman, kasabay ng kasabikang nadarama ay ang pangamba at pag-aalinlangan kung kakayanin ba ang mga hamon na haharapin.
Ngunit kung gusto ang isang bagay, lagi namang may paraan kaya mahalagang magkaroon ng tamang paghahanda at disiplina.
{tocify} $title={Table of Contents}
 |
| Handa ka na ba sa Buhay Kolehiyo? |
Narito ang Mga Praktikal na Tips Para sa Mga Freshman
Kinilatis at inilista sa baba ang mahahalagang tips na makatutulong sa'yong pagpasok at pagsabay sa buhay kolehiyo.
Alamin ng husto ang iyong kurso
Bago pa magsimula ang klase, siguraduhin mong alam mo ang kurso na iyong papasukan. Mahalaga ito upang maiwasan ang pagkalito o pagsisisi kalaunan. Ito ba'y personal mong pinili dahil magaling ka sa larangang ito at dito mo nakikita ang iyong sarili sa hinaharap? O pinili mo lang dahil nandito ang mga kaibigan mo? Huwag ganon, bes!
Kung wala kang mapagtatanungan, mahalagang magkaroon ng pananaliksik sa internet tungkol sa kurso mo. Alamin kung ano-ano ang mga kakailanganin para matagumpay mo itong matatapos, pati na rin ang mga potensyal na trabaho maaari mong pasukan kapag nakapagtapos ka na rito.
Tamang Paghahati sa Oras
Isa sa mga pinakamalaking hamon na kakaharapin sa kolehiyo ay ang time management. Kung ito ang unangnpagkakataon na mawawakay ka sa iyong pamilya, mahalagang magkaroon ng disiplina sa oras dahil mahirap-hirap ang mahiging adjustments.
Gayunpaman, narito ka para mapaghandaan ito at naniniwala naman akong makakaya mo. Kailangan mo lang gumawa ng malinaw na schedule para sa klase, pag-aaral, pahinga, at iba pang bagay kagaya ng mga hobbies mo.
Narito ang simpleng halimbawa kung saan pinapakita ang mga gagawin sa iba't ibang oras na maaari mong sundin:
| Oras | Gagawin |
|---|---|
| 6:00-8:00 AM | Paggising, almusal, paghahanda |
| 8:00-12:00 NN | Pag-aaral |
| 12:00-1:00 PM | Tanghalian at pagpapahinga |
| 1:00-5:00 PM | Pag-aaral |
| 5:00-6:30 PM | Pag-uwi, hobbies o ehersisyo |
| 7:30-8:30 PM | Pagrebyu ng mga aralin, repleksyon |
Makipag-ugnayan at Bumuo ng Samahan sa mga Senior Students
Kagaya ng mga magulang natin na patuloy na gumagabay sa ating buhay, napakahalaga rin ng pagkakaroon ng mentor sa kolehiyo.
Sabi nila, patibayan raw ng loob sa buhay. Kung maghihintay ka lang na ibang tao ang unang gagawa ng aksyon para sa'yo, mahihirapan ka. Hindi pare-pareho ang bawat tao, pero hangga't maaari ay bumuo ka ng magandang relasyon sa mga dati nang estudyante na maaari mong hingan ng payo.
Marami silang maibibigay na praktikal na kaalaman na hindi mo agad makikita online o sa mga libro. Ito'y dahil mula yon sa kanilang mga personal na karanasan na tiyak ay maaari mo ring maranasan sa mga darating na araw.
Narito naman ang mga Mahalagang Gamit para sa Freshmen
Siguraduhing handa ang iyong mga gamit bago pumasok sa kolehiyo. Upang masiguro ito, narito ang checklist ng mga bagay na mahalagang meron ka:
- Laptop o tablet
- Notebook at panulat
- Planner
- Backpack o tote bag o kahit anong bag
- Powerbank at charger
- Tumbler para sa tubig at lunchbox
 |
| Checklist para sa bawat Freshman |
Paano Maaalagahan ang Mental Health?
Karaniwan sa mga freshman ang makaranas ng stress dahil sa dami ng gawain kahit sa unang buwan pa lang. Normal lang ito at hindi ka nag-iisa. Magandang magkaroon ka ng kaibigan o kahit sinong pwedeng makinig sa'yo.
Para mas mapangalagaan ang iyong mental health at upang maiwasan ang burnout, narito ang ilang bagay na maaari mong gawin:
- Maglaan ng oras para sa pahinga at paglilibang. Tao lang tayo at napapagod rin. Pakinggan ang sarili at alagaan ang katawan.
- Makisalamuha sa mga bagong kaibigan upang makabip ng ng support system. Magandang may kasa-kasama ka sa loob ng institusyon para kahit papaano ay hindi ka lang nalulublob sa makakapal na aklat. Siguraduhin lang na magandang impluwensiya ang mapapasukan mong grupo.
- Huwag matakot humingi ng tulong mula sa guidance counselor o propesyonal lalo na kapag nakakadama ng pagkalumbay. Nandiyan sila at handang makinig sa iyong saloobin at pagaanin ang iyong loob.
Matalinong Pagbabudget
Isa rin sa dapat pahalagahan pagdating sa kolehiyo ang wasto at matalinong paghawak ng pera. Mahalaga ito upang alam mo kung saan napupunta ang iyong allowance at hindi ka magulat kapag ito'y naubos na pala. Narito ang simpleng budget na pwede mong sundan at gawing basis:
| Kategorya | Porsyento ng Budget |
|---|---|
| Pagkain o Grocery | 30% |
| Libro, Supplies, Mga Proyekto | 30% |
| Savings | 20% |
| Pamasahe at Libangan | 10% |
| Contingency Fund | 10% |
Mensahe para sa bawat estudyante
Sulitin hangga't maaari ang buhay kolehiyo. Laging tatandaan na mahalagang isaalang-alang ang pag-aaral, gayundin ang pagbuo ng magagandang karanasan.
Sumali ka sa mga organisasyon at dumalo sa mga campus events hindi lamang para lumawak ang iyong network kundi hasain pa lalo ang iyong kakayahan na siyang magagamit sa hinaharap. Ang lahat ng bagay kapag ginawa ng balanse ay tiyak na magdudulot ng magandang alaala na maaari mong balik-balikan kapag ika'y tumanda na.
Ang pagtungtong sa kolehiyo ay puno ng pagsubok ngunit mas marami ang oportunidad para sa iyong personal na paglago. Magkaroon ka man ng alinlangan, magpatuloy ka pa rin dahil ang buhay ay hindi lamang tungkol sa kasiyahan at tagumpay. May panahong madadapa ka ngunit makakayanan mo pa ring lagpasan ang agos ng mga hamon sa buhay.
Isang tanong lang ang nais kong banggitin, handa ka na ba sa kolehiyo?
Basahin din: Replektibong Sanaysay: Ang Buhay Natin Bilang Mga Estudyante