 |
| Bagong SY 2025-2026, Magsisimula na Sa Hunyo 2025 |
Abril 19, 2025 — Inanunsyo ng Department of Education (DepEd) sa ilalim ng DepEd Order No. 12, Series of 2025 na opisyal nang magsisimula ang klase sa Hunyo 16, 2025 sa lahat ng mga pampublikong paaralan.
Mapapansin ang pagdagsa ng mga tao sa mga paaralan para sa Brigada Eskwela. Abala ang mga volunteers sa pagkumpuni at pagpipinta sa mga kisame at loob ng mga silid-aralan para maging maaliwalas ang paligid.
Bagama't malayo pa, inaasahan namang magsasara ito sa Marso 31, 2026. Sa kabuuan, may 197 na araw ng klase at kabilang na sa bilang na ito ang End‑of‑School‑Year rites.
Ang bawat pagbabalik ay may kalakip na bagong simula. Mapupuno na naman ng masisiglang ingay ang bawat sulok ng paaralan. Maririnig rin ang unang tunog ng kampana bilang pagsalubong sa nalalapit na klase.
Pagpapatupad at Paghahanda
- Brigada Eskwela at Oplan Balik-Eskwela: Magaganap sa Hunyo 9–13, 2025
- Enrollment: Gaganapin din mula Hunyo 9–13 para sa pampubliko at pribadong paaralan
- Quarter 1, SY 2025-2026: Opisyal na magsisimula sa Hunyo 16
Pagbabalik sa Hunyo bilang Simula ng Klase
Ang pinakarason ay ang pag-iwas sa matinding init ng panahon. Bilang tropikong bansa, ang pagsisimula ng klase pagkatapos ng tag-init ay mas mainam at komportable para sa mga mag-aaral.
Sino nga ba naman ang komportableng papasok kung pagpapawisan na agad bago pa makarating sa loob ng eskwelahan?
Ano ang mga Dapat Abangan?
| 📌 Kaganapan | 📝 Detalye |
|---|---|
| Enrollment at Brigada Eskwela | Hunyo 9–13, 2025 |
| Unang Araw ng Klase | Hunyo 16, 2025 |
| Huling Araw ng Klase | Marso 31, 2026 |
| Bilang ng Klase | 197 araw ng klase |
Sa Dulo ng Lahat
Ang pagbabalik sa Hunyo bilang simula ng klase ay hindi lamang academic shift, kundi isang magandang estratehiya upang maging mas komportable ang simula ng klase. Ang pagtatapos nito ay sakto rin bago ang summer na siyang panahon kung saan maraming nagbabakasyon.
Maaaring basahin ang buong detalye ng memo sa sumusunod na link: April 15, 2025 DO 012, s. 2025 – Multi-Year Implementing Guidelines on the School Calendar and Activities
Basahin din: Replektibong Sanaysay: Ang Buhay Natin Bilang Mga Estudyante